Imfashanyigisho y’ingenzi ifasha imiryango kumenya ibimenyetso byo gutangira kwitabaza uwita kubandi (Caregiver).
Guhinduka kw’imiterere y’umubyeyi cyangwa umuvandimwe ushaje bishobora kugorana kubibona buri munsi, cyane cyane iyo uba uri hafi cyane ku buryo utabona impinduka gahoro gahoro. Ariko hari ibimenyetso bidasanzwe bikwiye kwitabwaho vuba, kuko bishobora kugaragaza ko umuntu akeneye ubufasha bwihariye bwo kwitabwaho.
Muri Igeno Gate Rwanda, twakira kenshi abasaba ubufasha nyuma y’uko ibintu byabaye bibi, nyamara kubimenya hakiri kare ni byo birinda ingorane nyinshi, nk’uburwayi bwiyongera, ndetse n’umutekano muke mu rugo.
Dore ibimenyetso 10 bikomeye bikwereka ko umubyeyi cyangwa umuvandimwe akeneye uwita kubandi ako kanya:
-
Kwibagirwa Byiyongera
Iyo umuntu atangiye:
- Kwibagirwa aho ashyira ibintu,
- Kudasiga urugi rufunze,
- Kwibagirwa guteka cyangwa kuzimya gaz/amatara,
- Guta gahunda cyangwa amaraporo y’ingenzi…
Ibi bishobora kuba ikimenyetso cya dementia, Alzheimer, cyangwa umunaniro ukabije.
-
Isuku Iri Kugabanuka
Niba ubona impinduka muri:
- Isuku yo mu myambaro,
- Kudakaraba,
- Nzu itacyitabwaho,
- Impumuro mbi idasanzwe…
Ni ikimenyetso ko umuntu atakibasha kwita ku buzima bwe neza.
-
Kwigunga
Kwigunga ni ikibazo gikomeye cyane ku bakuze. Iyo batangiye:
- Kwifungirana,
- Kudashaka kuvugana n’abandi,
- Kutitabira ibikorwa bari bamenyereye,
baba bakeneye ubufasha bwo kubahumuriza no kubafasha.
-
Kugira Ibibazo mu Kugenda cyangwa Kugendera ku bikoresho byifashishwa
Impinduka mu:
- Kugira impungenge cg gutinya kugenda,
- Kugwa kenshi,
- Kubabara amaguru cyane,
- Gukenera kwiyambaza ibikoresho (walker, canes)
bishobora kuba ikimenyetso cy’uko akeneye ubufasha mu mibereho ya buri munsi.
-
Kugabanuka k’Umutekano mu Rugo
Ibintu nk’ibi bikwiye kwitonderwa:
- Gukoresha nabi ibikoresho byo mu rugo,
- Kugwa mu bwiherero,
- Guteka akibagirwa gufunga gaz,
- Gukorana ubwirinzi buke
Ibi byose bivuga ko umuntu akenera uwita ku mutekano we.
-
Kutarya Neza cyangwa Guhindura Imirire
Ibi bigaragazwa no:
- Kutarya bihagije,
- Kurya ibintu bimwe gusa,
- Kugabanya ibiro bitunguranye,
- Gufungura ibiryo bikabora mu nzu
Ibi byose bishobora gutera imbaraga nke no kurwara kenshi.
-
Indwara Zidakira (Chronic Illnesses) Zikeneye Ubugenzuzi
Twavuga nka:
- Diyabete,
- Umuvuduko w’amaraso,
- Asima,
- Stroke yigeze kubaho,
- Indwara z’impyiko cyangwa umutima.
Ibyo bikeneye umuntu wumva uko ubuzima bwe bumeze buri munsi.
-
Umunaniro ku Muryango Wita k’Umubyeyi
Abo mu muryango bashobora:
- Kunanirwa,
- Kurwara bitewe n’umunzigo,
- Kubura umwanya wo gukora no kwita ku bandi,
- Kwiheba.
Ibi bivuga ko gushyiraho umwita w’umwuga ari ngombwa kugirango umuryango uharurukwe.
-
Impinduka mu Mitekerereze no Mu Myifatire
Niba umuntu atangiye:
- Guhindura amarangamutima mu buryo butunguranye,
- Kwiheba,
- Gukunda kurakara,
- Gutakaza ubushobozi bwo gufata ibyemezo,
akeneye ubufasha bwihariye.
-
Kutabasha Gukora Imirimo ya Buri Munsi (ADLs)
Nko:
- Kwambara,
- Kuryama neza,
- Kwitunganya,
- Gukoresha imiti,
- Gutegura amafunguro,
- Gukaraba no kujya ku bwiherero…
Ibi ni ikimenyetso gikomeye ko akeneye umwita.
Icyo Wakora Ubonye Ibimenyetso Bikomeje Kwiyongera
Niba ubona kimwe cyangwa byinshi muri ibi bimenyetso, igihe kirageze cyo gutekereza uwita ku bandi w’umwuga.
Igeno Gate Rwanda itanga:
- Abaforomokazi n’abita kubandi n’abarwayi babimenyerewe,
- Kwita ku bakuze mu rugo no mu bitaro,
- Ubufasha mu mirire, imiti, isuku, ubuzima bwo mu mutwe,
- Gufasha mu rugo 24/7 cyangwa amasaha wahitamo,
- Coaching & Mentorship ku miryango.
Umwanzuro
Gufata umwanzuro wo gushakira uwita k’umubyeyi ntabwo ari uguta inshingano, ni ugufata icyemezo cy’ubwenge n’urukundo.
Kwita ku buzima bw’umubyeyi ni ishema, kandi kumushakira ubufasha bw’umwuga ni uburyo bwiza bwo kumurinda ingorane no kongerera imbaraga umuryango.
👉 Icyo Wakora
Sura urubuga rwa Igeno Gate Rwanda: www.igenogate.com
Hamagara Cg Wandike kuri WhatsApp: +250 788 433 298
Ohereza ubutumwa kuri Email: info@igenogate.com
Igeno Gate Rwanda ni Amahitamo Meza.